ეგვიპტელი ფარაონის ტუტანხამონის მუმია დაიწვა მისი არასწორი ბალზამირების დროს.

 მის სამარხში უძვირფასესი საგანძური იქნა აღმოჩენილი. გარდა ამისა მისი სარკოფაგი და ნიღაბი არის ოქროსი, ლილისფერ-ზურმუხტისფრად მოხატული და ნახევრად ძირფასი ქვებით მოოჭვილი.

ცნობილი გახდა ეგვიპტის ფარაონ ტუტანხამონის მუმიაზე ჩატარებული გამოკვლევის შედეგები. პრესკონფერენციას, რომელიც ქაიროში გამართა ეგვიპტის სიძველეთა საბჭოს გენერალურმა მდივანმა, ზაჰი ჰავასმა, მოუთმენლად ელოდა მთელი მსოფლიო. მანამდე ცნობილი იყო, რომ გენეტიკური მასალის კვლევას პასუხი უნდა გაეცა მთელ რიგ შეკითხვებზე. მათ შორის - ვინ იყვნენ ტუტანხამონის მშობლები და ოჯახის წევრები და რამ გამოიწვია ახალგაზრდა ფარაონის სიკვდილი.

ტუტანხამონის მამა იყო ცნობილი ფარაონი - ეხნატონი, ეხნატონის მუმია კი აღმოჩენილი იქნა მეფეთა ველზე.

გენეტიკურმა და რადიოლოგიურმა გამოკვლევამ ცხადყო ასევე ტუტანხამონის სიკვდილის მიზეზები. ზაჰი ჰავასის თქმით, ახალგაზრდა ფარაონი, როგორც ჩანს, მალარიის მძიმე ფორმით იყო ავად, მანამდე კი მისი სხეული ძვლების დაავადებით იყო დასუსტებული.