აღმოსავლეთ უკრაინაში ბოლო 24 საათის განმავლობაში 3 უკრაინელი ჯარისკაცი დაიღუპა და 7 დაშავდა. ამის შესახებ უკრაინული მედია არმიის პრესსპიკერზე დაყრდნობით იუწყება. 
ბოლო რამდენიმე დღის განმავლობაში დონბასში ეს პირველი შემთხვევაა, როდესაც ბრძოლას მსხვერპლი მოჰყვა. გუშინ კონფლიქტის ზონიდან უკრაინის არმიამ სამხედრო ტექნიკის გაყვანა დაიწყო, რითაც გაჩნდა იმედი, რომ დაპირისპირება საბოლოოდ დასრულდა. თუმცა, უკრაინელი სამხედროები ამბობენ, რომ პრორუსი მებრძოლების მხრიდან თავდასხმები კვლავ გრძელდება.